ԵՐԵՎԱՆ, ՕԳՈՍՏՈՍԻ 30, 24News
Հանրային խորհրդի նախագահ Վազգեն Մանուկյանը շնորհավորել է Արցախի նախագահ Բակո Սահակյանին՝ ծննդյան օրվա առթիվ։
«Մեծարգո՛ պարոն նախագահ,
Ջերմորեն շնորհավորում եմ Ձեզ ծննդյան օրվա առթիվ: Հայաստանի նորագույն պատմության մեջ Դուք առանցքային դերակատարում եք ունեցել՝ կանգնած լինելով Արցախյան շարժման, բանակի ստեղծման ակունքներում, ծառայելով Արցախին ու հայ ժողովրդին եւ ջանք չխնայելով մեր երկրի խաղաղության, կայունության եւ զարգացման գործում։
Մաղթում եմ Ձեզ առողջություն, ամուր կամք եւ հաջողություն՝ նույն վստահությամբ եւ արժանապատվությամբ առաջ տանելու Ձեր կարեւոր առաքելությունը»,–նշված է շնորհավորական ուղերձում։