ԵՐԵՎԱՆ, ՕԳՈՍՏՈՍԻ 30, 24News
Ռուսական «Ռոսիա 1» հեռուստաալիքն այս շաբաթ ցուցադրել է երաժշտական հոլովակ, որում ԱՄՆ նախագահ Դոնալդ Թրամփի խոսքերը վերածվել են ՌԴ նախագահ Վլադիմիր Պուտինին ուղղված «սերենադի»: Տեսանյութում Թրամփը «երգում» է Շոն Մենդեսի և Կամիլա Կաբելոյի Senorita երգը:
Ամերիկյան The Hill պարբերականը մոնտաժված տեսահոլովակի հեռարձակումը Կրեմլի աջակցությունը վայելող հեռուստատեսության եթերում որակել է Դոնալդ Թրամփին ծաղրի ենթարկելու ակնհայտ փորձ:
Տեսահոլովակում Թրամփի «կատարմանն» ուղեկցում է Վլադիմիր Պուտինը՝ դաշնամուր նվագելով:
Նշենք, որ տեսանյութը հեռարձակվել է «60 րոպե» հաղորդման ժամանակ: