ԵՐԵՎԱՆ, ՕԳՈՍՏՈՍԻ 30, 24News
Թուրքիայի զինված ուժերը Սիրիայի սահմանին տեղակայված զորամասեր են ուղարկում տանկերի և զրահամեքենաների շարասյուներ։ Այս մասին գրում է Էրմենիհաբերը:
Երկրի տարածքում գտնվող տարբեր զորամասերից ուղարկված տանկերն ու զրահամեքենաները ուղղություն են վերցրել դեպի Սիրիային սահմանակից Հաթայ նահանգ։
Տանկերն ու զրահամեքենաները տեղափոխվել են բեռնատար մեքենաների միջոցով՝ հատուկ անվտանգության միջոցների ձեռնարկմամբ։
Ըստ թուրքական կողմի տարածած տեղեկության՝ տանկերն ու զրահամեքենաներն ուղարկվել են Սիրիայի հետ սահմանային գոտում տեղակայված զորամասերը համալրելու նպատակով։