ԵՐԵՎԱՆ, ՕԳՈՍՏՈՍԻ 31, 24News
Օգտոստոսի 29-ի վաղ առավոտյան Թուրքիայի օդուժին պատկանող կործանիչները հրթիռակոծել են Հյուսիսային Իրաքի Դոհուկ նահանգի Էլ-Ամադիա շրջանի գյուղերը։ Ըստ քրդական աղբյուրի՝ տեղի ունեցածի հետևանքով խաղաղ բնակչության շրջանում վիրավորներ կան։ Այս մասին գրում է Էրմենիհաբերը:
Նշվում է նաև, որ վերջին ամիսներին Թուրքիայի օդուժը հրթիռակոծել էր Զաքհո և Քանդիլ շրջանները։
Տեղի քրդական կառույցները նշում են, որ վերջին ամիսներին Թուրքիան մի քանի անգամ ռազմական գործողություններ է իրականացրել Հյուսիսային Իրաքում։
Հիշեցնենք, որ ըստ թուրքական կողմի՝ հենց Հյուսիսային Իրաքում է գտնվում Թուրքիայում ահաբեկչական համարվող «Քուրդիստանի բանվորական կուսակցության» (ՔԲԿ-PKK) գլխավոր ռազմաբազան՝ Քանդիլը։