ԵՐԵՎԱՆ, ՍԵՊՏԵՄԲԵՐԻ 2, 24News
Երևանի ընդհանուր իրավասության դատարանը՝ դատավոր Արտուշ Գաբրիելյանի նախագահությամբ այսօր որոշում է կայացրել բավարարել «Շշի Մելո» մականունով ԱԺ նախկին պատգամավոր Մելիք Մանուկյանի եղբոր՝ «ՍԱՄ-ՀԱՐ» ՍՊԸ–ի տնօրեն, գործարար Ռոբերտ Մանուկյանին գրավի դիմաց ազատ արձակելու՝ նրա պաշտպանի միջնորդությունը։ Այս մասին հայտնել է Մանուկյանի պաշտպան Հովսեփ Սարգսյանը։ Դատարանը գրավի չափ է սահմանել 800.000 դրամը։ Դատարանի դեպոզիտ հաշվին վճարել են համապատասխան գումարը և Մանուկյանն ազատ է արձակվել «Վարդաշեն» ՔԿՀ–ից։
Հիշեցնենք, որ Կոտայքի մարզի ընդհանուր իրավասության դատարանը օգոստոսի 8–ին որոշում կայացրեց բավարարել քննիչի միջնորդությունը և երկու ամսով կալանավորել Ռոբերտ Մանուկյանին: Վերաքննիչ քրեկան դատարանն Արմեն Բեկթաշյանի նախագահությամբ անփոփոխ էր թողել այս որոշումը։