Բաբայանի կողմնակիցների ստորագրությունների թիվը պակասել է, բայց հանրաքվե կլինի. «Ժողովուրդ»

ԵՐԵՎԱՆՍԵՊՏԵՄԲԵՐԻ 3, 24News

Սամվել

«Ժողովուրդ» թերթը գրում է․ «Ինչպես հայտնի է, դեռևս հուլիսի 31-ին Արցախի կենտրոնական ընտրական հանձնաժողովը ստացել էր ԼՂ ՊԲ նախկին հրամանատար Սամվել Բաբայանի նախաձեռնած ստորագրահավաքի փաթեթը: Ներկայացված ստորագրությունների թիվը թեև նախապես հայտարարվել էր, որ 30 հազարից ավել է լինելու, սակայն իրականում 21 հազար 49 ստորագրություն տրվեց ԿԸՀ-ին:

Երեկ «Ժողովուրդ» օրաթերթը Արցախից տեղեկացավ, որ պետական գերատեսչության կողմից ստուգվելուց և հաստավելուց հետո Բաբայանի կողմնակիցների հավաքած ստորագրությունների ընդհանուր թիվը 19 հազարից մի փոքր է ավել եղել: Այսինքն՝ մյուս ստորագրությունները մարմնի կողմից չեն հաստատվել:

Բայց դա խնդիր չէ, քանի որ Արցախում հանրաքվե անցկացնելու համար, ըստ Սահմանադրության, անհրաժեշտ է ընտրողների 10 տոկոսի ստորագրությունը, այսինքն՝ 10 հազար 278 ստորագրություն, ուստի կարելի է ասել, որ Բաբայանը հավաքել է անհրաժեշտ թվով ստորագրություններ»:

Առավել մանրամասն՝ թերթի այսօրվա համարում: