ԵՐԵՎԱՆ, ՍԵՊՏԵՄԲԵՐԻ 9, 24News
British Airways բրիտանական խոշորագույն ավիաընկերությունը, որը երկուշաբթի չեղարկել է գրեթե բոլոր չվերթները, պատրաստ է շարունակել բանակցությունները գործադուլավոր օդաչուների հետ, ասված է ավիաընկերության հաղորդագրության մեջ: Օդաչուներն օգոստոսին հայտարարել էին երեք օր՝ սեպտեմբերի 9-ին, 10-ին և 27-ին, գործադուլներ անցկացնելու մտադրության մասին՝ աշխատավարձի հետ կապված դժգոհության առնչությամբ:
Գործադուլի մեկ օրն ավիաընկերության վրա կնստի 40 մլն ֆունտ ստեռլինգ:
Ավելի վաղ Ավիաընկերությունների օդաչուների բրիտանական ասոցիացիան՝ BALPA-ն, որը ներկայացնում է BA-ի աշխատակիցների շահերը, հայտարարել էր, որ ավիաընկերության օդաչուները երկուշաբթի և երեքշաբթի գործադուլ կանցկացնեն՝ գործատուից իրենց պահանջների պատասխան չստանալու պատճառով:
Ավիափոխադրողը, որն օրական մոտ 850 չվերթ է կատարում, ափսոսանք է հայտնել գործադուլի կապակցությամբ և ուղևորներից ներողություն խնդրել, որ հարկադրված է չեղարկել գրեթե բոլոր չվերթները:
«Մենք պատրաստ ենք բանակցությունների վերադառնալ BALPA-ի հետ», - ընդգծել են ավիաընկերությունում: