Unibank

Unibank Mobile

Այլանդակ շինություններով օկուպացրել են թաղամասերը, քաղաքն այսօր պաշտպանված չէ․ Մեսչյան

ԵՐԵՎԱՆ, ՍԵՊՏԵՄԲԵՐԻ 10, 24News

1

«Արդյո՞ք մենք ուզում ենք, որ Երեւանի թաղամասերում, քաղաքի սրտում պահպանվեն ահռելի քանակի ավտոտնակներ, խայտառակ որակի բնակելի տներ, եւ ի՞նչ ճանապարհ կա այդ բակերը վերադարձնելու քաղաքացիներին»,- Երեւանի ավագանու նիստի ժամանակ հայտարարեց Երեւանի գլխավոր ճարտարապետ Արթուր Մեսչյանը և իր իսկ հարցին որպես լուծում առաջարկեց մի քանի տարբերակ․

«Տարբերակ 1. երեւանցիներն ամեն մեկն իր ունեցած ավտոտնակը քանդում է եւ տարածք է ստեղծում իր երեխայի խաղալու համար: Քանի՞ երեւանցի կհրաժարվի  իր ավտոտնակից: Կարծում եմ՝ մի 10 հոգի կգտնվի, ոչ ավելի:

Տարբերակ 2. գա կառուցապատող, որը հնարավորություն կունենա վերացնել բոլոր ավտոտնակները, կառուցի մի կառույց, տրամաբանական, չխախտի քաղաքաշինական նորմերը, ապահովի ավտոտնակների սեփականատերերին կանգառի տեղ իր կառուցած շենքում, բարեկարգի տարածքը եւ առաջին հարկում կազմակերպի մանկապարտեզ: Այդպես է Թումանյան փողոցում:

Տարբերակ 3. Թույլ չտալ անել ընդհանրապես ոչ մի բան:

Ի վերջո, պետք է հասկանանք, թե ինչ ենք ուզում մեր քաղաքից, ինչ պայմաններ են ծանրացած մեզ վրա, ինչ ժառանգություն ենք ստացել: Ժառանգությունը միայն այն չէ, որ 18 հարկանի շենք կառուցելու թույլտվություն է տրվել, այլ այն, որ այլանդակ շինություններով օկուպացրել են քաղաքի թաղամասերը»,-հայտարարեց Մեսչյանը և կոչ արեց ավագանուն օգնել՝ այնպիսի օրենսդրական դաշտ ունենալ, որ հնարավոր լինի չեղարկել նախկինում տրված շինարարական թույլտվությունները։

 «Այստեղ մենք թույլ ենք, որովհետեւ մեզ դատի կտան եւ հաստատ կշահեն դատը: Քաղաքն այսօր պաշտպանված չէ»,-ասաց նա։

Քաղաքապետ Հայկ Մարությանն էլ հավելեց, որ իրենք փորձում են նման տարածքների սեփականատերերի հետ հայտարարի գալ, այլ տարածքներ առաջարկել, սակայն Երեւանում ազատ տարածքներ գրեթե չկան, բոլորը բաժան-բաժան է արվել նախկին տարբեր մակարդակի պաշտոնյաների կողմից:

 

Տեսանյութեր

Live

Լրահոս