6-րդ հարկից ընկած երեխան վիրահատվել է, վիրահատությունը լավ է անցել․ Սուրբ Աստվածամայր ԲԿ

ԵՐԵՎԱՆՍԵՊՏԵՄԲԵՐԻ 11, 24News

երեխա

Երևանի Թումանյան 32-ի շենքի 6-րդ հարկից ընկած 2,5 տարեկան տղան «Սուրբ Աստվածամայր» բժշկական կենտրոնում վիրահատվել է: Այդ մասին ֆեյսբուքյան էջում գրել է Սուրբ Աստվածամայր ԲԿ-ի հանրային կապերի գծով տնօրենի օգնական Գևորգ Դերձյանը:

«Վիրահատությունն անցել է լավ: Փոքրիկն ուներ սրունքի ոսկրերի կոտրվածքներ: Կատարվել է սրունքի ոսկրաբեկորների փակ համադրում՝ ինտրամեդուլյար օսթեոսինթեզ:

Տղան երկու օր առաջ էր գիտակցության եկել ու ճանաչել ծնողներին: Իսկ «Սուրբ Աստվածամայր» ԲԿ-ի վերակենդանացման բաժանմունք տեղափոխվել էր սեպտեմբերի 5-ին՝ անգիտակից վիճակով: Երեխան ստացել էր բազմաթիվ վնասվածքներ, գլխի, ողնաշարի և մարմնի այլ հատվածներում: Բժիշկները վիճակը գնահատում են կայուն»,- գրել է Դերձյանը:

Տեսանյութեր

Live

Լրահոս

Related news