CiviCERT-AM թիմը Հայաստանի կիբերանվտանգության ոլորտում նոր փուլ է բացում. մեդիափորձագետ

ԵՐԵՎԱՆ, ՍԵՊՏԵՄԲԵՐ 12, 24News

ա

Կիբերանվտանգության մասնագետները միավորվել են մեկ գաղափարի շուրջ և կիբերհարձակումներից պաշտպանելու նպատակով իրենց օգնությունն են առաջարկել քաղաքացիական հասարակությանը, լրագրողներին, փորձագիտական դաշտին:

Այս մասին ֆեյսբուքյան գրառում է արել տեղեկատվական անվտանգության հարցերով փորձագետ Սամվել Մարտիրոսյանը՝ նշելով, որ CiviCERT-AM թիմով որոշել են Հայաստանի կիբերանվտանգության ոլորտում նոր փուլ բացել։

Թիմի անդամները դիմել են լրագրողներին, լրատվամիջոցներին, իրավապաշտպաններին, բնապահպաններին, քաղաքացիական ակտիվիստներին, որ եթե ենթարկվել են  որևէ կիբեր հարձակման,  կարող են կապ հաստատել իրենց հետ:

Կիբերանվտանգության մասնագետները խոստացել են օգնել նաև այն դեպքում, եթե կոտրել են մեյլը, արգելափակել են «Ֆեյսբուք»-ը կամ «Ինստագրամ»-ը, գողացել են հաշիվը, կայքը ենթարկել են հարձակման:

Նրանք օգնություն են առաջարկել նաև այն դեպքում, երբ ամենապատասխանատու պահին կայքը չի բացվում: «Եթե կասկածում եք, որ DDoS կամ հաքերային հարձակում է, ձեր սոցցանցային հաշիվը զանգվածային հարձակման է ենթարկվել և արգելափակվել է, ձեր էլեկտրոնային հասցեն կոտրել են և այլն, ապա կարող եք դիմել մեզ»,-նշված է գրառման մեջ: