Կանադայում կտեղադրվի հազարավոր հայ և հույն որբերի կյանք փրկած բուժքրոջ արձանը

ԵՐԵՎԱՆ, ՍԵՊՏԵՄԲԵՐ 12, 24News

ա

Կանադայի Յարմուտ քաղաքում կտեղադրվի Օսմանյան Թուրքիայում Ցեղասպանության ժամանակ հազարավոր հայ եւ հույն որբերի փրկած բուժքույր Սառա Քորնինգի բրոնզաձույլ արձանը:

Արձանը, որի հեղինակը Մոնռեալից Կարեն Բեդրոսյանն է, կբացվի սեպտեմբերին Սառա Քորնինգի հիշատակին նվիրված միջոցառումների շրջանակում, հայտնում է Armenian Weekly-ն:

1918 թվականին Սառա Քորնինգը միացել էր Մերձավոր Արեւելքին Օգնության կոմիտեի ջանքերին: Նա նպաստել է հազարավոր հույն, հայ եւ ասորի որբերի փրկությանն ու խնամքին:

2016 թվականին Կանադայի Նոր Շոտլանդիա նահանգում հիմնադրվել է «Sara Corning Society» միությունը՝ նվիրված Սառայի հերոսական սխրանքի հիշատակին:

Միության հիմնադիրներ Դեյվիդ եւ Ջենիֆեր Չոունների խոսքով՝ քանդակագործի աշխատանքն արտացոլում է հայկական արմատները, եւ «Սառան խորապես կզգացվեր այն փաստից, որ այդ երկրից որեւէ մեկը եւ մարդիկ, որոնց նա այնքան լավ ծանոթ էր, 100 տարի անց իր պատվին քանդակ են ստեղծել»: