ԱԱԾ քննիչը մերժել է Սանասարյանի նկատմամբ քրեական հետապնդումը դադարեցնելու միջնորդությունը

ԵՐԵՎԱՆ, ՍԵՊՏԵՄԲԵՐ 12, 24News

դավիթ սանասարյան

ԱԱԾ քննիչը մերժել է Դավիթ Սանասարյանի նկատմամբ քրեական հետապնդումը դադարեցնելու փաստաբանների միջնորդությունը։ Այս մասին Սանասարյանը, ում լիազորությունները դադարեցված են ՊՎԾ պետի պաշտոնում, գրել է իր ֆեյսբուքյան էջում:

Նրա գրառումը ներկայացնում ենք ստորև.

«ԱԱԾ քննիչը (իրականում՝ վերադասը) մերժեց իմ նկատմամբ քրեական հետապնդումը դադարեցնելու փաստաբաններիս հիմնավոր ու փաստարկված միջնորդությունը։

Եվ այն մերժեց անհիմն պատճառաբանություններով, որոնցից մեկը հետևյալն է. իմ չորս վկաների վերաբերյալ ընդգծել են, որ նրանք իմ ենթականերն են եղել, ուստի նրանց վկայություններն արժանահավատ չեն, մինչդեռ Սամվել Ադյանը նույնպես իմ ենթական է եղել, բայց նրա կեղծ ցուցմունքը դիտարկել են արժանահավատ, քանի որ իմ դեմ է։

Մի փոքր հույս ունեմ, որ դատախազությունն ավելի խելամիտ կգտնվի և չի ստանձնի այս կեղծ մեղադրանքն առաջ տանելու պատասխանատվությունը։

Իրավական Հայաստանն այլընտրանք չունի։ Սիրում եմ բոլորիդ»:

Օգոստոսի 25-ին հայտնի էր դարձել, որ Ազգային անվտանգության ծառայությունը ավարտել է Պետական վերահսկողական ծառայության պետ Դավիթ Սանասարյանի գործով նախաքննությունը: Դավիթ Սանասարյանը պաշտպանների հետ որոշել էր իր նկատմամբ քրեական հետապնդումը դադարեցնելու միջնորդություն ներկայացնել: 

Տեսանյութեր

Live

Լրահոս

Related news