ԵՐԵՎԱՆ, ՍԵՊՏԵՄԲԵՐ 16, 24News
«Արարատի» գլխավոր մարզիչ Սերգեյ Բոյկոն երկկողմանի համաձայնությամբ խզել է պայմանագիրը ակումբի հետ: Այս մասին տեղեկացնում է թիմի մամուլի ծառայությունը:
Բոյկոն հրաժարական է ներկայացրել, որը ընդունվել է ակումբի ղեկավարության կողմից:
«Արարատը» շնորհակալություն է հայտնել 48-ամյա մասնագետին կատարված աշխատանքի համար և հաջողություն մաղթել հետագա կարիերայի ընթացքում:
«Արարատի» գլխավոր մարզչի ժամանակավոր պարտականությունները կկատարի թիմի մարզիչ Գագիկ Սիմոնյանը: