Ցավալի է, որ շարունակվում են փակ դռների հետևում մութ հրաժարականները․ Գորգիսյան

ԵՐԵՎԱՆ, ՍԵՊՏԵՄԲԵՐԻ 18, 24News

1

«Ցավալի է, որ շարունակվում են փակ դռների հետևում մութ հրաժարականները, քանի որ նախկին իշխանությունների ժամանակ էլ ասում էինք, որ, եթե ինչ-որ մեկին հեռացնում են աշխատանքից, ով կարևոր պաշտոն է զբաղեցրել, առնվազն ոլորտի պատասխանատու է եղել, ապա պետք է նշվեն պատճառներ»,-այսօր լրագրողների հետ ճեպազրույցում ասաց ԱԺ «Լուսավոր Հայաստան» խմբակցության պատգամավոր Գևորգ Գորգիսյանը՝ անդրադառնալով Ազգային անվտանգության ծառայության նախկին տնօրեն Արթուր Վանեցյանի և ՀՀ ոստիկանապետ Վալերիյ Օսիպյանի հրաժարականներին։

Նա նշեց, որ նախկինի պես, աշխատանքից ազատվելու պատճառները չեն նշվել. «Ավելին, եթե նախկինում հեռացողները վախենում էին խոսել, հիմա հեռացողները խոսում են և խոսում են անհարգալից, մի փոքր հեգնանքով»։

Անդրադառնալով Արթուր Վանեցյանի հրաժարականի տեքստին՝ Գորգիսյանն ասաց. «Վանեցյանի հեռանալը մոտավորապես այսպես էր, որ ես ձեր քաոսիկ համակարգում անելիք չունեմ, դա իմ պատվից ցածր է»։

 

Տեսանյութեր

Live

Լրահոս

Related news