ԵՐԵՎԱՆ, ՍԵՊՏԵՄԲԵՐԻ 25, 24News
Սեպտեմբերի 25-ին խոշոր ավտովթար է տեղի ունեցել Արմավիրի մարզում։ Ժամը 11։40-ի սահմանում BMW մակնիշի ավտոմեքենայի վարորդը Երևան-Արմավիր ավտոճանապարհի Արշալույս գյուղի վարչական տարածքում բախվել է ճանապարհի թույլատրելի հատվածում կայանված ГАЗ 66 մակնիշի ՊՆ ավտոմեքենայի հետնամասին։ Այդ մասին հայտնում է shamshyan.com-ը։
Վթարի հետևանքով 5 հոգի տարբեր աստիճանի մարմնական վնասվածքներով տեղափոխվել են՝ 4-ը Վաղարշապատի, 1-ը՝ «Մեծամոր» բժշկական կենտրոններ։ Վիրավորներին առաջինը օգնության են հասել քաղաքացիները, ՀՀ ՊՆ և Արտակարգ իրավիճակների նախարարության ծառայողները։ Վիրավորներից մեկին ավտոմեքենայից դուրս են բերել Վաղարշապատի հրշեջ-փրկարարները։
Աղբյուրը հայտնում է, որ ГАЗ 66-ը հաշվառված է ՊՆ հաշվեկշռում, և ավտոմեքենան թույլատրելի տեղում կայանված է եղել և ոչ մի խոչընդոտ չի ստեղծել վարորդների համար, սակայն BMW-ն մեծ արագությամբ դեպի Արմավիր ընթանալիս, մխրճվել է 66-ի մեջ։
Տեղում հետաքննչական աշխատանքները ղեկավարում է ՃՈ 2-րդ սպայական գումարտակի 3-րդ վաշտի հետաքննիչ Գարիկ Հովհաննիսյանը, ում կողմից դեպքի փաստով նյութեր են նախապատրաստվում։
Ոստիկանությունը պարզում է վարորդների և վիրավորների ինքնությունը։