ԵՐԵՎԱՆ, ՀՈԿՏԵՄԲԵՐԻ 2, 24News
ԱԺ «Բարգավաճ Հայաստան» խմբակցության ղեկավար Գագիկ Ծառուկյանը, անդրադառնալով շրջանառվող տեղեկություններին, թե ՍԴ նախագահի լիազորությունները դադարեցնելու հարցի շուրջ վարչապետի հետ քննարկում է ունեցել, հայտարարել է, որ նման հարց չի քննարկվել:
«Պարոն Փաշինյանի հետ հաճախակի ենք հանդիպում, բայց հիմնական ներդրումների հետ կապված հարցեր ենք քննարկում, քաղաքական հարցերով երբեք ու երբեք չենք հանդիպել և տվյալ թեման էլ չենք քննարկել, միայն ներդրումների և տնտեսության զարգացման թեմաներ ենք քննարկել»,-ասել է Գագիկ Ծառուկյանը:
Անդրադառնալով ՍԴ նախագահ Հրայր Թովմասյանի լիազորությունները դադարեցնելու վերաբերյալ նախագծին՝ Գագիկ Ծառուկյանը նշել է, որ խմբակցության ներսում նախագիծը քննարկվել է, ու քանի որ հիմնավորումները շատ թույլ են, որոշել են չմասնակցել քվեարկությանը:
«Ուզում եմ ասել բոլորին, որ ԱԺ որոշումը չի, որ Հրայր Թովմասյանը պետք է մնա կամ հեռանա, որոշողը ՍԴ-ն է: Հիմնական դրույթները շատ թերի են, թույլ են, կա ժամկետների խախտում»,-ասել է Ծառուկյանը: