ԵՐԵՎԱՆ, ՀՈԿՏԵՄԲԵՐԻ 07, 24News
Արցախի Հանրապետության նախագահ Բակո Սահակյանն ընդունել է Ամերիկայի հայկական համագումարի գործադիր տնօրեն Բրայան Արդունուն։
Ինչպես հայտնում է Արցախի նախագահի մամուլի ծառայությունը, քննարկվել են Արցախ-Սփյուռք կապերին, ամերիկյան եւ միջազգային տարբեր հարթակներում տեղեկատվական ու քաղաքական ոլորտներում մի շարք ծրագրերի իրականացմանն առնչվող հարցեր:
Նախագահը գոհունակությամբ նշել է, որ Ամերիկայի հայկական համագումարի հետ համագործակցությունը գտնվում է բարձր մակարդակի վրա՝ վստահություն հայտնելով, որ այն կպահպանվի նաեւ ապագայում: