«Քեթրին գրուպը» ՊԵԿ-ին ավելի քան 365 մլն 184 հազար դրամ է պարտք․ «Ժողովուրդ»

ԵՐԵՎԱՆ, ՀՈԿՏԵՄԲԵՐԻ 8, 24News

Միհրան

«Ժողովուրդ» թերթը գրում է. «ՀՀ ԱԺ նախկին պատգամավոր, ԴԱՀԿ նախկին պետ Միհրան Պողոսյանին պատկանող, բայց արդեն սնանկացած «Քեթրին գրուպ» ընկերությունը բավականին մեծ պարտքեր է կուտակել: «Ժողովուրդ» օրաթերթի ձեռքի տակ է հայտնվել ընկերության պարտատերերի նախնական ցուցակը: Այսպես, մեզ հայտնի դարձավ, որ ընկերությունը պարտք է «Արմերիաբանկ»-ին`106 մլն 990 հազար դրամի չափով, ավելի քան 118 հազար եվրո:

Բացի դրանից՝ արևադարձային մրգի ներմուծմամբ և վաճառքով զբաղվող ընկերությունը 69.6 մլն դրամի չափով պարտք է նաև «Միկշին» ընկերությանը, 7 մլն 364 հազար դրամ էլ` «Էս Թի Սերվիս» ՍՊԸ-ին, 33 մլն 760 հազար դրամ` «Նադար»-ին: Իսկ, ահա, 70 մլն դրամ էլ պարտք է «Կեչառիս Հոթել»-ին, որը, ինչպես «Ժողովուրդ» օրաթերթը օրեր առաջ գրել էր, գնում է սնանկացման ճանապարհով: Նշենք, որ «Կեչառիս հոթել»-ը ևս պատկանում է Պողոսյանի ընտանիքին: Պարզվում է, «Քեթրին գրուպ»-ը ավելի քան 365 մլն 184 հազար դրամ պարտք է պետական եկամուտների կոմիտեին: «Ալիանս Լոջիսթիք»-ին «Քեթրին գրուպ»-ը պարտք է 6 մլն 832 հազար դրամ: Ի դեպ, հենց այս ընկերությունն էր դիմել դատարան «Քեթրին գրուպ»-ին սնանկ ճանաչելու պահանջով»:

Առավել մանրամասն՝ թերթի այսօրվա համարում:

Տեսանյութեր

Live

Լրահոս

Related news