Ավինյանն Իրանի կապի նախարարի հետ քննարկել է ՏՏ ոլորտում գործարար կապերի ընդլայնման հարցը

ԵՐԵՎԱՆ, ՀՈԿՏԵՄԲԵՐԻ 9, 24News

Տիգրան

Հոկտեմբերի 8-ին Տեղեկատվական տեխնոլոգիաների համաշխարհային համաժողովի շրջանակներում Հայաստանի Հանրապետության փոխվարչապետ Տիգրան Ավինյանը հանդիպել է Իրանի Իսլամական Հանրապետության կապի ու տեղեկատվական տեխնոլոգիաների  նախարար Մոհամմադ Ջավադ Ազարի Ջահրոմիին, տեղեկացնում է փոխվարչապետի մամուլի գրասենյակը։

Զրուցակիցները բարձր են գնահատել հայ-իրանական հարաբերությունների զարգացման դինամիկան և կարևորել անցած շաբաթ Իրանի նախագահի և Հայաստանի վարչապետի հանդիպման ընթացքում ձեռք բերված պայմանավորվածությունների կյանքի կոչումը։

Մոհամմադ Ջավադ Ազարի Ջահրոմիին շնորհավորել է հայկական կողմին ՏՏ համաշխարհային համաժողովը բարձր մակարդակով անցկացնելու կապակցությամբ։ Նա նաև հավելել է, որ վերջին անգամ Հայաստանում է եղել 2 տարի առաջ և իր համար ակնառու է երկրի գրանցած առաջընթացն այս ժամանակամիջոցում: