ՀՀ տնտեսական զարգացման հիմքում տեսնում ենք անհատական ջանքը, անհատի ընկալումը․ Փաշինյան

ԵՐԵՎԱՆ, ՀՈԿՏԵՄԲԵՐԻ 9, 24News

Օրեցօր տնտեսության մեջ առավել կարևոր գործոն են դառնում հոգեբանությունն ու դրական տրամադրությունը։ Այսօր Երևանում հրավիրված՝ «Ի՞նչ անել-2 տնտեսական հեղափոխություն» խորհրդաժողովին ասաց ՀՀ վարչապետ Նիկոլ Փաշինյանը և ընդգծեց, որ այսօր ՀՀ-ում առկա է նման մթնոլորտ, իշխանության խնդիրն է պահել այդ տրամադրությունը։

«Հանրային տրամադրությունները, սպասումները շատ ավելի մեծ նշանակություն ունեն, քան երբեմն չոր թվերը։ Այս քննարկումները կարևոր են այդ տրամադրությունները ստեղծելու համար։ ՀՀ-ի տնտեսական զարգացման հիմքում տեսնում ենք անհատական ջանքը, անհատի մոտեցումը, ընկամումը, տրամադրությունը»,-ասաց նա։

Նիկոլ Փաշինյանն ընդգծեց, որ պետության և բիզնեսի միջև համագործակցությունը, երկխոսությունը կարևոր գործոներրց մեկն է, որն ապահովում է տնտեսության վրա դրական ազդող տրամադրությունը։

«Ընթացիկ տնտեսական իրավիճակն ու ցուցանշները գալիս են ապացուցելու, որ սպասումները, մթնոլորտը շատ էական նշանակություն ունեն տնտեսական իրավիճակի վրա։ Կարծում եմ, որ ՀՀ-ում իսկապես տնտեսական գործունեության շատ լավ տրամադրություն է ստեղծվել»,-ասաց նա։