ԵՐԵՎԱՆ, ՀՈԿՏԵՄԲԵՐԻ 16, 24News
«Նախկինում մենք բանակի մասին շատ գեղեցիկ կենացներ ու ճառեր էինք ասում, սպայի պատվի մասին էինք խոսում, բայց իրական կյանքը գալիս էր ապացուցելու ճիշտ հակառակը: Իրականում գործողությունները տարբերվում էին խոսքից։
Ինձ համար այսօր ամենացավալին այն է, որ քաղաքական ընդդիմությունը, այդ թվում արտախորհրդարանական, սեպ են խրում բանակի և հասարակության միջև։ Ինչպես նաև շատ են առաջ տանում այն կեղծ թեզերը, թե իբր գործող իշխանությունները չեն հարգում սպայի պատիվը և նմանատիպ այլ բաներ»,- այս մասին 24TV-ի եթերում ասել է ԱԺ «Իմ քայլը» խմբակցության պատգամավոր Տիգրան Կարապետյանը:
Բանախոսն այս կապակցությամբ, այդ ընդդիմախոսներին հիշեցնում է նախկին համակարգի օրոք տեղի ունեցած մեկ, երկու աղմկահարույց դեպք, և առաջարկում սպայի պատվի մասին խոսելիս ուղղակի հիշեն այդ միջադեպերը:
Պատգամավորը հաղորդման ընթացքում անդրադառնում է նաև Վիտալի Բալասանյանի մի շարք քննադատական շեշտադրումներին, ՍԴ-ի շուրջ ստեղծված իրավիճակին, Ռոբերտ Քոչարյանի գործին, ինչպես նաև Ապրիլյան դեպքերն ուսումնասիրող քննիչ հանձնաժողովի ուսումնասիրություններին, անելիքներին և գլխավոր նպատակին:
Մանրամասները՝ տեսանյութում: