Ոստիկանությունը բերման է ենթարկել թմրամոլության մեջ կասկածվող անձի

ԵՐԵՎԱՆ, ՀՈԿՏԵՄԲԵՐԻ 16, 24News

.

Ոստիկանության Գյումրի քաղաքի Մուշի բաժնի քրեական հետախույզները, ստացված օպերատիվ տեղեկություններն իրացնելիս, հոկտեմբերի 15-ին, ժամը 15-ին, ապօրինի թմրամիջոց պահելու, պատրաստելու և օգտագործելու կասկածանքով բերման են ենթարկել Անի թաղամասի բնակիչ 23-ամյա մի երիտասարդի: Ինչպես տեղեկացրին ՀՀ ոստիկանության հասարակայնության հետ կապերի և լրատվության վարչությունից, նրա անձնական խուզարկությամբ տաբատի գրպանից հայտնաբերվել է թղթե փաթեթ՝ մանրացված, չորացված կանեփանման զանգվածով:

«Երիտասարդը հայտնել է, որ այն մարիխուանա է, քաղել է վայրաճ կանեփից և պատրաստել անձամբ օգտագործելու համար:

Նախապատրաստվում են նյութեր»,- նշված է հաղորդագրության մեջ: