Ինքնաթիռի անձնակազմը նկատել է Ջաջուռի մոտ բռնկված հրդեհը. հրշեջները մարել են այն

ԵՐԵՎԱՆ, ՀՈԿՏԵՄԲԵՐԻ 16, 24News

.

ՀՀ արտակարգ իրավիճակների նախարարության «911» ծառայությունը հոկտեմբերի 16-ին, ժամը 14:27-ին տեղեկություն է ստացել, որ Մոսկվա-Երևան չվերթն իրականացնող ինքնաթիռի անձնակազմը Գյումրի քաղաքից արևմուտք ընկած հատվածում հրդեհի օջախներ է նկատել:

Դեպքի վայր են մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատի մեկ մարտական հաշվարկ և ազատ հերթափոխի 4 հրշեջ-փրկարար:

Պարզվել է, որ հրդեհը բռնկվել է Շիրակի մարզի Ջաջուռ գյուղի ջրամբարից դեպի անտառ տանող հատվածում:

Հրդեհը մեկուսացվել է ժամը 16:01-ին, մարվել՝ 16:54-ին:

Ինչպես տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, այրվել է մոտ 40 հա խոտածածկույթ:

Հրդեհաշիջման աշխատանքներին մասնակցել է Ջաջուռ գյուղի 13 բնակիչ:

Տեսանյութեր

Live

Լրահոս

Related news