Սիրիայում սպանված քուրդ զինյալների թիվը հասել է 673-ի․ Թուրքիայի ՊՆ

ԵՐԵՎԱՆ, ՀՈԿՏԵՄԲԵՐԻ 17, 24News

քուրդ

Թուրքիայի պաշտպանության նախարարությունը թվիթերյան էջում տվյալներ է հրապարակել Սիրիայի հյուսիսում՝ Եփրատից արևելք ընկած տարածքում, քրդերի դեմ Անկարայի նախաձեռնած «խաղաղության ակունք» ռազմագործողության մասին: 

Սիրիայի հյուսիսային քրդաբնակ շրջանները վերահսկող քրդական «Ժողովրդական ինքնապաշտպանության ուժերի» (YPG-ԺՊՈւ) զոհերի թիվը հասել է 673-ի: Այդ մասին հայտնում է Թուրքիայի պաշտպանության նախարարությունը։ Թուրքական զինուժի և վերջինիս զորակցող խմբավորումների կորուստների մասին տեղեկություն չի հաղորդվում: