Միքայել Համբարձումյանը հանձնարարել է՝ ԵՊՀ-ում Միհրան Հակոբյանի վրա մի գործ կարեն

ԵՐԵՎԱՆ, ՀՈԿՏԵՄԲԵՐԻ 19, 24News

Հասարակություն

Ձեզ շատ հետաքրքիր կլինի իմանալ, թե ով է մեր փառապանծ ԱԱԾ-ի մյուս թիրախը: Այս մասին ֆեյսբուքյան իր էջում գրել է «Ադեկվադ» միաբանության ղեկավար, «Ադեկվադ» կուսակցության վարչության կազմի նախագահ Արթուր Դանիելյանը:

«Ուրեմն ԱԱԾ-ի պետ դառնալու հույսով ապրող ու «արարող» Միքայել Համբարձումյանը երեկ առավոտյան շուտ փրփրած հասել է գործի, շտապ ժողով է արել ու հանձնարարել, որ ԵՊՀ-ում փորեն, Միհրան Հակոբյանի վրա ինչ-որ բան գտնեն, մի գործ կարեն: Իսկ պատճառը այն է, որ Միհրանը Թովմասյան Հրայրի ընտանիքի անդամներին հարցաքննելու օրը հիշեցրել էր Միքայել Համբարձումյանի ընտանիքի անդամների գոյության մասին և բավականին ուշագրավ կերպով ակնարկել էր բուն Միքայելի մութ անցյալի մասին:

Ինձ ուղղակի հետաքրքիր է էլի էդ մարդը ինչով է մտածում, ոնց է մտածում: Էդ մարդուն ռեալ թվում է, որ Միհրանն է իր խնդիրը՞:

Լավ, ասենք թե Միհրանին նստացրիր, քեզ իրոք թվում է, որ էլ խոշորացույցի տակ չես լինի: Իսկ այսուհետ նաև ընտանյոք հանդերձ, քանի որ էդ տաբուն էլ եք «հեղափոխել»: Ընդ որում, ասեմ, էդ խոշորացույցը ոչ միայն հայաստանյան է լինելու: Իմանալու են ամեն ինչ: ԱՄԵՆ ինչ»,-գրել է Արթուր Դանիելյանը: