ԵՐԵՎԱՆ, ՀՈԿՏԵՄԲԵՐԻ 22, 24News
Կրասնոյարսկի երկրամասում ամբարտակի փլուզման վայրում հայտնաբերված ոսկին կշռում է 18 կիլոգրամ: Այդ մասին ՏԱՍՍ-ին հայտնել Է իրավապահ մարմինների աղբյուրը:
«Արտակարգ իրավիճակների նախարարության փրկարարների կողմից հայտնաբերված չհրկիզվող պահարանում գտնվում Է 18 կիլոգրամ ոսկի»,-ասել Է նա: Նրա խոսքով՝ չհրկիզվող պահարանը պահվում Էր շինություններից մեկում, որն ավերել Էին ջրահոսքերը: Ընդհանուր առմամբ, ամբարտակի փլուզման հետեւանքով ջուրը քշել-տարել Է երկու հանրակացարան ու երեք շինություն:
Հետաքննչական մարմինը մտադիր Է միջնորդել կալանք դնելու ոսկու վրա՝ տուժածների կողմից հնարավոր հայցապահանջները փոխհատուցելու համար:
Հիշեցնենք, որ Կրասնոյարսկի երկրամասում ամբարտակի փլվելու հետեւանքով զոհվել Է 15 մարդ, 2 հոգի անհետ կորել են: