Թուրքիայի նախագահը Սիրիայից գողացել է նրա նավթն ու հացահատիկը․ Ասադ

ԵՐԵՎԱՆ, ՀՈԿՏԵՄԲԵՐԻ 22, 24News

1

Սիրիայի նախագահ Բաշար Ասադը Թուրքիային մեղադրել է երկրի հյուսիսային շրջանների նկատմամբ զավթողական ծրագրեր ունենալու մեջ:

Այդ մասին նա հայտարարել է Իդլիբի նահանգի սիրիական զորամաս այցելության ժամանակ:

«Թուրքիայի նախագահը Սիրիայից գողացել է նրա նավթն ու հացահատիկը, նաև գործարաններ է դուրս բերել Հալեպից, իսկ այժմ Էրդողանը ցանկանում է հափշտակել սիրիական հողի մի մասը՝ դրա բնական հարստություններով», - գործակալությունը մեջբերել է Սիրիայի ղեկավարի խոսքը:

«Մենք ասել ենք ու շարունակում ենք ասել, որ Իդլիբի համար ճակատամարտը վճռորոշ նշանակություն ունի և վերջ կդնի Սիրիայի բոլոր շրջաններում անարխիային ու ահաբեկչությանը», - դիմելով զինծառայողներին՝ հայտարարել է Ասադը: