ԵՐԵՎԱՆ, ՀՈԿՏԵՄԲԵՐԻ 23, 24News
Թուրքիայի Ազգային մեծ ժողովում ներկայացվել է 2020թ․ նախագահական բյուջեի նախագիծը։
Ըստ այդմ՝ նախատեսվում է հաջորդ տարի բարձրացնել նախագահ Ռեջեփ Թայիփ Էրդողանի աշխատավարձը՝ 74․500 թուրքական լիրայից (շուրջ 12․860 ԱՄՆ դոլար) հասցնելով 81․250 լիրայի (14․000 դոլար)։ Բյուջեի նախագծով առաջարկվել է նաև 2020թ․ նախագահականի համար 26 նոր ծառայողական մեքենա ձեռք բերել։
Թուրքական մամուլն ուշադրություն է հրավիրել այն հանգամանքի վրա, որ Էրդողանի աշխատավարձի ավելացման չափը երեք անգամ գերազանցում է երկրում առկա նվազագույն աշխատավարձի չափը։