ԵՐԵՎԱՆ, ՀՈԿՏԵՄԲԵՐԻ 29, 24News
Ցանկացած կասկած հանցագործության հետ կապված պետք է ենթարկվի պատշաճ քննության, լրագրողների հետ զրույցում ասաց ՀՀ արդարադատության նախարար Ռուստամ Բադասյանն՝ անդրադառնալով Արսեն Բաբայանին ու Արա Բաբլոյանին առաջադրված մեղադրանքներին։
«Պետք է նաև նմանատիպ հարցերի դեպքում իրավապահ մարմինները բավարար չափի զգուշավորություն ու շրջահայացություն ցույց տան, որովհետև դա կարող է այս կամ այն մեկնաբանությունը ստանալ», - ասաց նա։
Նախարարի խոսքով՝ այլ մեկնաբանություն այս գործով չի կարող տալ, քանի որ քննություն է ընթանում։
«Պետք է հետևենք հետագա հաղորդագրություններին, քննությունն ընթանում է, ցանկացած բան, որը այս փուլում համարվում է պարզված, կարող է փոխվել», - ասաց Ռ. Բադասյանը։