ԵՐԵՎԱՆ, ՀՈԿՏԵՄԲԵՐ 31, 24News
«Ռեալ Մադրիդի» պաշտպան Սերխիո Ռամոսը Իսպանիայի առաջնության 11-րդ տուրում «Լեգանեսի» հետ խաղում գոլի հեղինակ է դարձել։ Հանդիպմանը՝ արքայական ակումբը 5։0 հաշվով հաղթանակ է տարել։
Ռամոսը Լեոնել Մեսսիից հետո երկրորդ ֆուտբոլիստն է Իսպանիայի առաջնությունում, որը 16 մրցաշրջանում անընդմեջ դառնում է գոլի հեղինակ։
33-ամյա պաշտպանը մադրիդյան թիմի հետ մասնակցել է 468 հանդիպման, 62 գոլի և 30 գոլային փոխանցման հեղինակ է։ «Ռեալի» հետ նրա պայմանագիրն ավարտվում է 2021 թ․։