ԵՐԵՎԱՆ, ՆՈՅԵՄԲԵՐԻ 4, 24News
2020 թվականի հունվար-փետրվար ամիսներին Հայաստանը ՌԴ-ի հետ նախատեսված պայմանագրով չորս Су-30СМ կործանիչ ձեռք կբերի։ Այս մասին ԱԺ-ում լրագրողներին հայտնել է Դավիթ Տոնոյանը։
Ըստ ՊՆ ղեկավարի՝ ՀՀ ԶՈՒ-ն համալրվում է նոր և արդիական զինատեսակներով։
«Այսօր ՀՀ Զինված ուժերը մեծամասամբ արդիականացված զինատեսակներ են ձեռք բերում: 2019-ին, 2020-ին և՛ պայմանագրային, և՛ վարկային ծրագրերի միջոցով ձեռք են բերվելու միայն նոր և արդիական կարողություններ տարբեր երկրներից», - ասել է գերատեսչության ղեկավարը:
Տոնոյանն ընդգծել է՝ արդիականցվում է 102-րդ ռազմաբազան սպառազինության և նյութատեխնիական ապահոման առումով։
«Հողատարածքի և զինծառայողների թվի ավելացում չի սպասվում», - եզրափակել է նախարարը: