ԵՐԵՎԱՆ, ՆՈՅԵՄԲԵՐԻ 6, 24News
«Golden Palace» հյուրանոցը գնորդներ ունի, պատրաստվում է աճուրդի տարբերակը։ Ազգային ժողովում այս մասին լրագրողներին հայտնել է Պետական գույքի կառավարման կոմիտեի նախագահ Նարեկ Բաբայանը:
Կոմիտեի նախագահը հույս է հայտնել, որ կառավարության որոշման նախագիծը շուտով կներկայացվի և կընդունվի։
Հստակեցնելով ժամկետները՝ Բաբայանն ասել է, թե ամեն ինչ արվում է, որպեսզի հյուրանոցը հնարավորինս շուտ նոր սեփականատեր գտնի։
«Եթե ոչ այս ամսվա վերջ, ապա դեկտեմբերի սկզբին», - նշել է նա:
Հիշեցնենք, որ համաձայն Կառավարության որոշման ՊԵԿ նախկին նախագահ Արմեն Ավետիսյանի նվիրատվությունը՝ Ծաղկաձորի «Golden Palace» հյուրանոցը նվիրատվության կարգով պետք է փոխանցվեր Հայաստանի Հանրապետությանը: