ԵՐԵՎԱՆ, ՆՈՅԵՄԲԵՐԻ 7, 24News
Կառավարության հերթական նիստում առողջապահության փոխնախարար Անահիտ Ավանեսյանն առաջարկել է նիստի օրակարգից հանել պաշտպանության նախարարության ներկայացրած ձմեռային զորակոչ ու զորացրում հայտարարելու նախագիծը։
Ավանեսյանն ասել է, որ նախագծի մեջ խնդիրներ են տեսնում, լուրջ մտահգություններ կան և խնդրել է հարցն օրակարգից հանել։
Արձագանքելով առողջապահության փոխնախարարին՝ պաշտպանության նախարարի տեղակալ Գաբրիել Բալայանն ասել է․
«Ճիշտն ասած` անակնկալի եկա, որովհետև երեկ եմ խոսել առողջապահության նախարարի տեղակալ պարոն Հակոբյանի հետ (խմբ․ Լևոն Հակոբյան)», - ասել Բալայանը:
Առողջապահության փոխնախարարը պատասխանել է, որ ԱՆ տեղակալը փորձել է պարզել փոփոխություններ առկա են, թե ոչ, պատասխան է ստացել, որ չկան, սակայն պարզվել է, որ կա։
«Խնդրում ենք լրացուցիչ քննարկման ներկայացնել», - ընդգծել է Ավանեսյանը:
Բալայանը շեշտել է` հարցն ունի հրատապության խնդիր:
Վարչապետ Նիկոլ Փաշինյանն առաջարկել է զեկուցելու ընթացքում քննարկումները շարունակել: