ԵՐԵՎԱՆ, ՆՈՅԵՄԲԵՐԻ 7, 24News
Երևան քաղաքի քննչական վարչության «Զվարթնոց» միջազգային օդանավակայանի տարածքում կատարված հանցագործությունների քննության բաժնում քննվող քրեական գործի շրջանակներում այս պահին վկայի կարգավիճակով հարցաքննվում է Արծվիկ Մինասյանը։ Այս մասին իր ֆեյսբուքյան էջում տեղեկացրել է ՀՀ Քննչական կոմիտեի մամուլի խոսնակ Նաիրա Հարությունյանը:
«Կտրվի լրացուցիչ տեղեկատվություն»,- գրել է խոսնակը։
Հիշեցնենք, որ ՀՅԴ Գերագույն մարմնի անդամ, բնապահպանության նախկին նախարար, նախկին պատգամավոր Արծվիկ Մինասյանը կանչվել է քննչական մարմին։