Unibank

Unibank Mobile

Արսեն Բաբայանի գործը հեքիաթ է. պաշտպան

ԵՐԵՎԱՆ, ՆՈՅԵՄԲԵՐԻ 7, 24News

Իրավական

«ԱԺ աշխատակազմի ղեկավարի նախկին տեղակալ Արսեն Բաբայանի գործով պաշտպանների ներկայացրած բողոքը Վերաքննիչ դատարանում դեռևս մակագրված չէ որևէ դատավորի»,- այդ մասին 24News-ին հայտնեց Բաբայանի պաշտպան Երվանդ Վարոսյանը: 

Նա և մյուս պաշտպանը դիմել են Վերաքննիչ դատարան՝ բողոքարկելու Առաջին ատյանի դատարանի կողմից կայացված կալանքի որոշումը: 

«Առաջին ատյանի դատարանը տասնօրյա ժամկետը պահպանելուց հետո է նյութերն ուղարկում Վերաքննիչ դատարան: Այդ իսկ պատճառով ես տեխնիկական հարցերով եմ պայմանավորում այս խնդիրը, որ դեռևս մակագրված չէ»-մանրամասնեց պաշտպանը: 

Իսկ տեսակցությունների հարցն, ինչպես հայտնի է՝ մասնակի լուծված է. «Այս պահի դրությամբ ընտանիքն ու ազգականները կարող են տեսակցել Արսեն Բաբայանին:  Պատգամավորների մասով, կարծում եմ՝ առհասարակ սահմանափակում լինել չի կարող՝ օրենքի ուժով: Իսկ մյուսների մասով դեռ կա սահմանափակում»,-ասաց Վարոսյանը: 

Հարցին՝ Բաբայանը մեղադրանքը շարունակում է չընդունե՞լ՝ պաշտպանն ասաց, որ մեծագույն ցանկության դեպքում էլ այդ մեղադրանքը ոչ ոք չի կարող ընդունել: «Այդ մեղադրանքը հեքիաթ է»-շեշտեց նա: 

Հիշեցնենք, որ Արսեն Բաբայանը ձերբակալվել է հոկտեմբերի 22-ին՝ պաշտոնեական կեղծիք կատարելու կասկածանքով:                 

Մերի Մարտիրոսյան

Տեսանյութեր

Live

Լրահոս