ԵՐԵՎԱՆ, ՆՈՅԵՄԲԵՐ 7, 24News
Մանկատների 300 շրջանավարտներ կապահովվեն բնակարաններով։ Այս մասին համապատասխան որոշումն ընդունվեց կառավարության այսօրվա նիստում։
Ծրագիրն իրականացնելու համար պետբյուջեից կհատկացվի 1.9 մլրդ դրամ։ Աշխատանքի և սոցիալական հարցերի նախարար Զարուհի Բաթոյանն ասաց, որ այդ գումարի շրջանակում մանկատան շրջանավարտներին կտրամադրվեն բնակարանների գնման վկայագրեր՝ յուրաքանչյուրը 6 մլն 300 հազար դրամ արժեքով։
«2003-2013 թթ.-ին շահառու են ճանաչվել 1991-2013 թթ.-ին մանկատներից դուրս եկած, բնակելի տարածքի կարիք ունեցող շրջանավարտները, որոնցից 218-ը մինչ օրս հերթացուցակում է։ Ծրագրից կօգտվեն այս անձինք, ինչպես նաև դրանից հետո մանկատներից դուրս եկած և առանց ծողական խնամքի մնացած շուրջ 85 շրջանավարտ»,-նշեց Բաթոյանը։