Այս պահին աշխարհի ուժեղագույն թիմն է «Լիվերպուլը»․ Գվարդիոլա

ԵՐԵՎԱՆ, ՆՈՅԵՄԲԵՐԻ 8, 24News

1

Անգլիայի չեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան խոսել է «Լիվերպուլի» հետ առաջիկա դիմակայության մասին։ Թիմերը կհանդիպեն Անգլիայի առաջնության 12-րդ տուրում։

«Այս պահին աշխարհի ուժեղագույն թիմն է «Լիվերպուլը»։ Մեզ սպասվում է 90 րոպե պայքար, եւ մենք կհետեւենք մեր ծրագրին։

Հիշելով Կլոպի արածը «Բորուսիայում»՝ հեշտ է վերլուծել, թե ինչքան մեծ է նրա ազդեցությունը նաեւ «Լիվերպուլում»։

Երբ նա ընդունեց թիմը, այն չէր հավակնում տիտղոսների։ Երեք-չորս տարի անց Կլոպը կառուցել է հրաշալի մի բան։

Չգիտեմ՝ մեր պարտության դեպքում, տիտղոսի համար մրցավազքը կավարտվի, թե ոչ։ Առջեւում դեռ շատ հանդիպումներ կան։ Մենք ցանկանում ենք պայքարել մինչեւ վերջին խաղը»,- Գվարդիոլայի խոսքը մեջբերում է BBC-ն։

«Լիվերպուլ» - «Մանչեսթեր Սիթի» հանդիպումը տեղի կունենա նոյեմբերի 10-ին եւ կմեկնարկի Երեւանի ժամանակով 20։30-ին։

«Լիվերպուլը» 31 միավորով գլխավորում է մրցաշարային աղյուսակը, «Մանչեսթեր Սիթին» հետ է 6 միավոր։