ԵՐԵՎԱՆ, ՆՈՅԵՄԲԵՐԻ 12, 24News
Ազգային ժողովի այսօրվա նիստում «Իմ քայլը» խմբակցության անդամ Աննա Կարապետյանի կողմից քննարկման ներկայացվեց նախագիծ, որով նախատեսվում է, որ Ազգային ժողովի նախագահը պետք է իրավունք ունենա մասնակցել Ազգային անվտանգության խորհրդի նիստերին։
Կարապետյանը նշեց, որ խորհրդարանական երկրում Ազգային ժողովը պետք է հնարավորություն ունենա վերահսկել գործադիրի բոլոր գործողությունները, և դրանցից մեկն էլ ԱԱԽ-ի գործունեությունն է, որ ղեկավարում է վարչապետը։
Հենց այն պատճառով, որ վարչապետն է ղեկավարում Ազգային անվտանգության խորհուրդը, ԱԺ նախագահը չի կարող լինել այդ հանձնաժողովի անդամ՝ ենթակա լինել վարչապետին։ Սակայն կկարողանա մասնակցել նիստերին, առաջարկներ ներկայացնել՝ առանց քվեարկելու իրավունքի։