ԵՐԵՎԱՆ, ՆՈՅԵՄԲԵՐԻ 12, 24News
Գեներալ Մանվել Գրիգորյանի գործով հերթական դատական նիստի երկրորդ ընդմիջումից հետո Գրիգորյանի պաշտպան Արսեն Մկրտչյանը հայտնել է, որ Գրիգորյանի մոտ շնչառական անբավարարության նոպա է սկսել, ինչից հետո նրան տեղափոխել են «Նաիրի» ԲԿ:
«Պրակտիկայում չեմ հիշում, որ ամբաստանյալը նման վիճակում դատարան ներկայանա, նրան անգամ չհարցնեն՝ ի վիճակի՞ է շարունակել ներկա գտնվել նիստին, կարո՞ղ են շարունակել: Էլ չեմ խոսում խնամակալի ուղեկցության մասին»,- լրագրողների հայտնել է Մանվել Գրիգորյանի պաշտպան Գուրգեն Գրիգորյանը:
Մանվել Գրիգորյանն առողջական խնդիրների պատճառով մի քանի ամիս է՝ չէր ներկայանում դատական նիստերին: Նրան դատական նիստերի դահլիճ են բերել սայլակով, շտապօգնության բժշկի ուղեկցությամբ, արհեստական ապարատը միացրած:
Դահլիճում, ինչպես արդեն նշել ենք, Մանվել Գրիգորյանին նրա աջակիցներն ընդունել են «ողջո՛ւյն գեներալին», «առողջությո՛ւն զորավարին» վանկարկումներով ու ծափերով: