ԵՐԵՎԱՆ, ՆՈՅԵՄԲԵՐԻ 12, 24News
ՀՀ Առողջապահության նախարար Արսեն Թորոսյանի նախկին տեղակալ, կաշառք ստանալու մեջ մեղադրվող Արսեն Դավթյանի գործով առաջին դատական նիստը կկայանա նոյեմբերի 19-ին։ Այս մասին տեղեկանում ենք «Դատալեքս» դատական տեղեկատվական համակարգից։
Նախնական քննության տվյալներով՝ Արսեն Դավթյանը ծառայության գծով հովանավորչություն ցուցաբերելու և իր պաշտոնեական դիրքն օգտագործելով որոշակի գործողություններ կատարելուն նպաստելու համար ստացել է առանձնապես խոշոր չափերով կաշառք՝ մանկաբարձ գինեկոլոգ, ՀՀ վաստակավոր բժիշկ Ռազմիկ Աբրահամյանից։ Քրեական գործով մեղադրանք է առաջադրվել նաեւ բժշկին՝ կաշառք տալու համար։
Ա.Դավթյանի նկատմամբ որպես խափանման միջոց է կիրառվել գրավը, իսկ Ռ.Աբրահամյանի նկատմամբ՝ ստորագրություն չհեռանալու մասին։