ԵՐԵՎԱՆ, ՆՈՅԵՄԲԵՐԻ 13, 24News
Հայաստանի կառավարությունը 2 լաստանավ գնելու շուրջ բանակցություններ է վարում Ռուսաստանի հետ: Այս մասին այսօր ԱԺ նիստում հայտարարեց ՀՀ տարածքային կառավարման եւ ենթակառուցվածքների նախարար Սուրեն Պապիկյանը:
Նախարարի խոսքով՝ իրենք արդեն նախնական հետաքրքրություն են հայտնել:
«Այժմ նման հնարավորություն կա, քանի որ Ղրիմում կամրջի կառուցումից հետո ռուսական կողմում այս պահին պարապուրդի մատնված լաստանավեր կան, եւ մենք պետք է հասկանանք՝ ինչպես կարող ենք մեզ համար ավելի հասանելի գնով եւ միջոցով գնել տվյալ լաստանավերը»,- պարզաբանեց Պապիկյանը՝ հավելելով, որ տվյալ հարցով բանակցությունները շարունակվում են: