ԵՐԵՎԱՆ, ՆՈՅԵՄԲԵՐԻ 14, 24News
Անվտանգության խորհրդի քարտուղար Արմեն Գրիգորյանը կառավարության ճեպազրույցների ժամանակ, անդրադառնալով վարչապետ Նիկոլ Փաշինյանի հանձնարարականին, ըստ որի՝ վերջինս պետք է պարզի որոշ շրջանակների ու սատանայի համագործակցության ձևերն ու ուղիները, ասել է, որ հանձնարարական է եղել, քանի որ թեմայի հետ կապված մտավախություններ կան։
«Կան քաղաքական ուժեր և անհատներ, որ դրանով մտահոգված են, և անհրաժեշտություն կա այդ մտահոգությունները փարատելու», – ասել է Գրիգորյանը։
Կառավարության նիստի ժամանակ վարչապետ Նիկոլ Փաշինյանը հայտարարել էր, որ ԱԱԾ-ին հանձնարարական է տվել պարզելու որոշ շրջանակների ու սատանայի համագործակցության ձևերն ու ուղիները:
«Առանց կատակի՝ ես էդպիսի հանձնարարական տվել եմ: Ծիծաղում եք, բայց, իրոք, եթե կա պնդում, դա անվտանգության խնդիր է», - ասել է Փաշինյանը՝ կոչ անելով ԱԱԾ տնօրենի ժամանակավոր պաշտոնակատարին հաստատել, որ նման հանձնարակական են ստացել: