ԵՐԵՎԱՆ, ՆՈՅԵՄԲԵՐԻ 14, 24News
«Անվտանգության խորհրդի քարտուղար Արմեն Գրիգորյանը հայտարարություն էր տարածել, որտեղ նա խոսում էր ժողովրդավարության պաշտպանության մասին, և այսօր վարչապետի հայտարարությունը հենց խոսում է այն մասին, որ մենք գործուն եւ հատուկ քայլեր պետք է իրականացնենք, եթե իսկապես հավատում ենք, որ ԱԺ-ն որպես առաջնային մանդատ ունեցող մարմին պարտականություն ունի ժողովրդավարության պաշտպանության գործում»,- լրագրողների հետ ճեպազրույցի ժամանակ նշել է ԱԺ անկախ պատգամավոր Արման Բաբաջանյանը:
«Այստեղ երկու կարծիք չի կարող լինել, որ ԱԺ-ն ունի համապատասխան գործիքներ, բայց իշխող խմբակցության մոտ կամքն է բացակայում այս խնդիրը հիմնավորապես լուծելու համար: Իմ պատկերացմամբ՝ մենք շատ ենք հապաղել: Կան համապատասխան միջոցներ Հրայր Թովմասյանի գլխավորությամբ այս ՍԴ-ին դուրս դնելու եւ նոր դատարան կազմավորելու համար»,-ասել է պատգամավորը: