ԵՐԵՎԱՆ, ՆՈՅԵՄԲԵՐԻ 18, 24News
Թբիլիսիում հատուկջոկատայինները ցրել է ընդդիմության ցույցը Վրաստանի խորհրդարանի մոտ։ Ոստիկանությունը վահաններով, հատուկ հանդերձանքով և մահակներով շրջափակել է Վրաստանի խորհրդարանի շենքը, ժամը 17։00-ին սկսել ցրել ընդդիմության ցույցը։
Գործողություններն սկսելուց առաջ ոստիկանությունը 30 րոպե ժամանակ է տվել ցուցարներին, սակայն ակցիայի մասնակիցները նշել են, որ իրենց գործողությունները խաղաղ բնույթ են կրում և մտադրություն չունեն հեռանալու։ Ոստիկանությունը տրված ժամանակի լրանալուց հետո ջրցան մեքենա և արցունքաբեր գազ է կիրառել։
Ոստիկանությունը 17։20-ին կարողացել է ցույցը ցրել և բացել Խորհրդարանի բոլոր մուտքերը։
Ակցիան ցրելուց հետո ոստիկանությունը Ռուսթավելի փողոցի տարածքից հեռացնում է նաև վրանները։ ԶԼՄ-ները հաղորդում են, որ ոստիկանության և ցուցարարների միջև բախումներից հետո կան տուժածներ։