ԵՐԵՎԱՆ, ՆՈՅԵՄԲԵՐԻ 19, 24News
Ամբողջ աշխարհում Facebook-ի և Instagram-ի օգտատերերը բախվել են սոցկայքերի աշխատանքի խափանմանը։ Հաղորդում է ТАСС-ը։
Թերություններ են առաջացել նաև Facebook-ի հավելված Messenger-ի աշխատանքում: Խափանումներից առավել հաճախ բողոքել են ԱՄՆ, Մեծ Բրիտանիայի, Լեհաստանի, Պորտուգալիայի, Բրազիլիայի օգտատերերը:
Ռուսաստանցի օգտատերերը նշված ծառայությունների աշխատանքի հետ կապված լուրջ խնդիրների մասին չեն հայտնում:
Նշվում է, որ բողոքներ են ստացվել թերությունների առաջացման մասին լրահոսը ցուցադրելիս և էջ մտնելիս: Օգտատերերի մոտ 16 տոկոսը հայտնել է սոցցանցերի ամբողջական անջատման մասին: