Unibank

Unibank Mobile

Ձեր տերերին ասեք ինձնից հեռու մնան, ես շատ շնորհքով մարդ եմ. Վարդան Ղուկասյան

ԵՐԵՎԱՆ, ՆՈՅԵՄԲԵՐԻ 19, 24News

Վարդան

ԱԺ ԲՀԿ խմբակցության պատգամավոր Վարդան Ղուկասյանը՝ անդրադառնալով տեղեկություններին, թե ինքը միջնորդավորված սպառնացել է «Իմ քայլը» խմբակցության պատգամավոր Նազելի Բաղդասարյանին՝ նշելով՝ «երեխա ունես», ասել է․ «Ես ինչքան գիտեք դուք եք սպառնացել, հիմա ինչ ուզենք, կասեք»:

«Ինչի ինքն ասում է, որ էդպիսի բա՞ն է եղել, ինքն ասում է, որ մենք ընդհանրապես խոսե՞լ ենք: Էդ ստերը, որ տարածքում եք, վերջում կզգաք, որ ես էդպիսի բան չեմ արել: Ձեր տերերին ասեք ինձնից հեռու մնան, ես շատ շնորհքով մարդ եմ, հայրենասեր, հավատացյալ, երկիր սիրող»,-ասել է Վարդան Ղուկասյանը, ապա հավելել, որ ինքն անձամբ տերեր չունի։

«Իմ տերն Աստված է, ես տեր չունեմ: Ես այն մարդկանցից եմ, որ տերեր երբեք չեմ փնտրել: Ես եմ ուրիշներին տեր լինում»,-ասել է Վարդան Ղուկասյանը:

Հարցին՝ ստացվում է՝ վարչապետ Նիկոլ Փաշինյանը զրպարտո՞ւմ է, աա պատասխանել է. «Ես պաշտոն հարգող մարդ եմ, Հայաստանի վարչապետ, թագավոր, կաթողիկոս հարգում եմ, կոռեկտության մեջ եմ ինձ պահում: Ասել է, միգուցե հետագայում կզգա, որ սխալվել է: Ոչինչ, բան չկա, ես իրեն լավն եմ ցանկանում»:

ԲՀԿ-ական պատգամավորը նաև նշել է, որ իրեն ոչ ոք չի հարցաքննել։

«Ինչի՞ պետք է հարցաքննեն: Ոնց ասենք, որ հասկանաք, որ էդպիսի բան չկա: Ես հենց հիմա պաշտոնապես հայտարարում եմ, եթե այդպիսի բան են ասել, թող իրավապահները գնան ստուգեն»,-ասել է Վարդան Ղուկասյանը, ապա հավելել, որ Նազելի Բաղդասարյանի ընտանիքին հողահատկացում է արել, խանութի տեղ է տվել. «Ինքը փոքր է, կալիբրները չի բռնում»։

ԱԺ-կառավարություն հարցուպատասխանի ժամանակ վարչապետ Նիկոլ Փաշինյանն ակնկարկել էր Վարդան Ղուկասյանին չսպառնալ հարցով զեկուցողներին՝ նշելով, որ «կպառկեցնեն ասֆալտին ու պատերով կտան սպառնացողներին»։ 

Ոստիկանությունն այս պահին ուսումնասիրում է տեղեկություններն այն մասին, որ Վարդան Ղուկասյանն սպառնացել է Նազենի Բաղդասարյանին։ Իշխանական պատգամավորը դեռևս չի շտապում մեկնաբանություններ անել այս մասով: 

Տեսանյութեր

Live

Լրահոս