ԵՐԵՎԱՆ, ՆՈՅԵՄԲԵՐԻ 21, 24News
Նոյեմբերի 20-ին՝ ժամը 15։24-ին, «911» ծառայություն ահազանգ է ստացվել, որ Լոռու մարզի Վանաձոր քաղաքի «Ավտոգեն-Մ» ՍՊԸ-ի պահեստում հրդեհ է բռնկվել։ Այդ մասին հայտնում են ՀՀ արտակարգ իրավիճակների նախարարությունից։
Դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից երկու մարտական հաշվարկ:
Պարզվել է, որ Թումանյան փողոցի թիվ 8 հասցեում գտնվող «Ավտոգեն-Մ» ՍՊԸ-ի պահեստի պահակասենյակում (մոտ 12 քմ) հրդեհ է բռնկվել։
Հրդեհը մեկուսացվել է ժամը 15։35-ին, մարվել՝ 16։12-ին։
Այրվել են կենցաղային իրեր (մոտ 15 խմ) և տանիքի փայտե կառուցատարրերից՝ մոտ 8 քմ։