ԵՐԵՎԱՆ, ՆՈՅԵՄԲԵՐԻ 21, 24News
Եվրոպական ժողովրդական կուսակցության՝ Զագրեբում ընթացող 24-րդ համագումարի պատվիրակները ձայների ճնշող մեծամասնությամբ նոր նախագահ են ընտրել։ Այդ պաշտոնում ընտրվել է Եվրախորհրդի ղեկավարի պաշտոնից հեռացած Դոնալդ Տուսկը։
Տուսկի օգտին է քվեարկել գրանցված պատվիրակների 93 տոկոսը՝ 491 պատվիրակ, դեմ են եղել 37-ը։ Տուսկը մտադիր է նոր պաշտոնում ակտիվորեն պայքարել պոպուլիզմի դեմ։
Տուսկը լիազորությունները կստանձնի դեկտեմբերի 1-ին՝ փոխարինելով Ջոզեֆ Դոյլին։ Այդ մասին հայտնում է ԵԺԿ մամուլի ծառայությունը։