ԵՐԵՎԱՆ, ՆՈՅԵՄԲԵՐԻ 22, 24News
ԱՄՆ նախագահ Դոնալդ Թրամփը շնորհակալություն է հայտնել Պակիստանի վարչապետ Իմրան Խանին՝ արտասահմանցի գերիների ազատ արձակման գործում ներդրում ունենալու համար։ Նա հույս է հայտնել, որ դա կօգնի Աֆղանստանում իրավիճակի կայունացմանը: Այս մասին հայտնել է Սպիտակ տան ներկայացուցիչ Ջադ Դիրը։
«Նա շնորհակալություն է հայտնել վարչապետին ամերիկացի գերի Քևին Քինգին և ավստրալացի Տիմոտի Ուիքսին վերադարձնելու հարցում Պակիստանի աջակցության համար: Նախագահը հուսով է, որ այս դրական իրողությունը կնպաստի Աֆղանստանում խաղաղության ուղղությամբ տարվող աշխատանքների ամրապնդմանը»,- նշել է Ջադ Դիրը։
«Թալիբան» ծայրահեղական խմբավորումն ազատ է արձակել երկու գերում՝ ամերիկացի պրոֆեսոր Քևին Քինգին և նրա ավստրալացի գործընկեր Տիմոտի Ուիքսին՝ երեք գրոհայինների ազատ արձակման դիմաց:
Շուրջ երեք տարի գերեվարված ամերիկացուն և ավստրալացուն թալիբներն ամերիկացի զինվորականներին են հանձնել Աֆղանստանի արևելքում: