ԵՐԵՎԱՆ, ՆՈՅԵՄԲԵՐԻ 22, 24News
Հայ մեծ երգահան, հայկական ազգային կոմպոզիտորական դպրոցի հիմնադիր Կոմիտաս վարդապետի 150-ամյակին Կ.Պոլսի հայոց պատրիարքարանի այգում կբացվի նրա հուշարձանը:
Այս մասին տեղեկանում ենք պատրիարքարանի ֆեյսբուքյան էջից: Հուշարձանի բացումը տեղի կունենա նոյեմբերի 23-ին ժամը 16:00-ին:
Հաղորդվում է, որ հուշաձանն իրականություն է դարձել տաղանդավոր քանդակագործ Էրոլ Սարաֆեանի անշահախնդիր աշխատանքի ու Սարգիս Գյուլեքեչի բարերարության շնորհիվ:
Հայտարարության մեջ պատրիարքարանը համայնքային ու թաղային մարմիններին ու մշակութասեր հասարակությանը հրավիրում է մասնակցելու այս միջոցառմանը: